تمارين في الفرنسية

اذهب الى الأسفل

تمارين في الفرنسية Empty تمارين في الفرنسية

مُساهمة من طرف نسرين في 4/6/2008, 06:56

bounce
ASELKIN N ULMUD ALEMMAS




Tanga : Tamaziɤt

Tanzagt : 1.30’



Amur amezwaru n yirem (ɤef 12 n tneqqiḍin)



A- Aḍris :

Ad yers yirem ɤef yiwen n uḍris n kra n umaru yettwassnen. Aḍris-nni ad yili d ullis ideg zemrent ad d-ilint tewsatin n yinawen i yellan deg yihallen n ulmud alemmas; ad yesεu azal n 250 n wawalen.



B- Tigzi n uḍris (ɤef 6 n tneqqiḍin)

Ad tbedd ɤef tɤawsiwin-a :

  • tameskiwt n wullis : tazwara, ineḍruyen, taggara;
  • tazḍawt n uḍris d warruz gar tefyar;
  • iwudam d temlilt-nsen;
  • asentel agejdan;
  • amawal.




C- Iferdisen n tutlayt (ɤef 6 n tneqqiḍin)

  • ilugan n tira;
  • tajerrumt, taseddast.




Amur wis-sin n yirem (ɤef 8 n tneqqiḍin)



Da, amazwar ad d-ifares kra n wullis ilan assaɤ d uḍris n ukayad. Deg-s, ad yessemres ayen yelmed ama deg tutlayt ama deg teywalt.













Amedya

Aḍris : Tazdemt n llyali



Yiwen n wass, imezdaɤ n yiwet n taddart ffɤen ɤer teẓgi ad d-zedmen. Tagrest n useggas-nni izad deg-s usemmiḍ. Zik zik ay ffɤen seg taddart ; ṭṭbel ansi i k-yehwa ad as-d-tesleḍ, iɤerrez akken ilaq ; iṭij yebda-d asṭenṭen, yessaɤ tamurt.

Mmɤen wat taddart-nni armi d tiẓgi n lewḥuc ; zedmen armi εyan, acemma ur ten-id-iluεej.Tiẓgi tuɤal amzun d ayla-nsen. Akken armi yebda izeggen uzizwu. Azdam, ameslay, anecreḥ, ṭṭbel d lɤiḍa.

Mi yebda ifennu uzizwu, cwiṭ kan la yettibrik yigenni. Terεed, tebreq, d icercuren i d-iɤellin. At taddart nnan-as : « Dayen i wass-a, icaḍ-aɤ ! ». Ɛebban ayen i d-zedmen, εnan abrid n tuɤalin.

A-ten-id teddem-iten tergagayt : armi lḥan amecwar, ṭṭbel yellexs akk, kkaten deg-s rennun, dayen yeggugem maḍi. Lɤiḍa daɤen tebzeg-asen, tebbeḥbeḥ. Akken walan tagnit teḥres, serrḥen-as i tikli : d aɤiwel. Urǧan lewḥuc ad d-slen i zzhir, ulac. Urǧan, ulac. Walan teggugem terbaεt. Uɤalen ɤlin-d fell-asen. Snegren-ten.

Seg wass-nni i d-yeqqim wawal : « Tazdemt mačči deg llyali . Tazdemt deg unebdu. Yettheyyi unebdu i llyali ».
A. MEZDAD, Iḍ d wass, 97.


A- TIGZI N UḌRIS
1. Ayen i wwin yid-sen wat taddart ṭṭbel d lɤiḍa ɤer teẓgi ?
2. Tazwara, inezdamen zhan. Melmi i tebda tegnit tettbeddili fell-asen ?
3. Amek i teḍra yid-sen ɤer taggara ?
4. Af –d deg uḍris anemgal n wawal-a : iɤerrez.
5. Semres awalen-a deg tefyar : ggugem, uɤal.
B- IFERDISEN N TUTLAYT


1. Err tafyirt-a ɤer wunti : Mmɤen wat taddart-nni armi d tiẓgi n lewḥu;, zedmen armi ɛyan, acemma ur ten-id- iluεej.

2. Semmi-d isumar n tefyirt-a : Mi yebda ifennu uzizwu, yettibrik yigenni.

3. Sleḍ tafyirt-a : Snegren-ten.



C- TIRA

Tettikkiḍ deg tcemlit (tiwizi) n usizdeg n yiberdan n wanda i tzedɤeḍ. Ales-d amek i d-llan lecɤal. Ini-d d acu n temsirt i tufiḍ deg tɤawsa-ya.
Aseɤti n ukayad




A- Tigzi n uḍris



  • Wwin yid-sen ṭṭbel d lɤiḍa ɤer teẓgi akken ad srewlen yis-sen lewḥuc.
  • Tebda tegnit tettbeddil fell-asen mi akken yettuɤal yigenni d aberkan.
  • Гer taggara, snegren-ten lewḥuc.
  • Anemgal n wawal : iɤerrez ≠ yellexs.
  • Tiririt n yimyagen deg tefyar


- Ggugmen yimɤaren.

- Uɤlan-d yimɤaren ɤer tmurt.



B- Iferdisen n tutlayt

  • Tiririt n tefyirt ɤer wunti :


Mmɤent sut taddart armi d tiẓgi n lewḥuc; zedment armi εyant, acemma ur tent-id-iluεej.

  • Asemmi n yisumar n tefyirt tuddist :


Mi yebda ifennu uzizwu, yettibrik yigenni.

Asumer imsentel n wakud asumer agejdan

  • Tasleḍt n tefyirt “ snegren-ten”.


Snegren : Taɤara-s : d amyag n tigawt yeftin ɤer yizri, udem 3 sgt- ml.

Tawuri-s : d aseɤru n tefyirt.

(Snegren ) n : Taɤara-s : d amatar udmawan n w 3 sgt –ml

Tawuri-s : d amigaw n umyag.

Ten : Taɤara-s : d amqim udmawan n w3 sgt-ml.

Tawuri-s : d asemmad usrid n umyag.



C- Tira



Aḍris ad yili d ullis ideg ara d-talseḍ amek I teḍra tcemlit. Yessefk ad yili iressa ɤef yizri.

- Ullis ad yebded ɤef wudem amezwaru I yettmeslayen;

- Tacemlit ad tili d tagnit I usenfali n yiḥulfan yecban lferḥ, tadukli…



Ad yili ufaris yelha ma:

1. yettwaɤar uḍris s sshala

- asebter zeddig (tallunin, tiseddarin…);

- asigez iwata;

- tifyar rsent ɤef yilugan n tjerrumt;

- amawal yedda d usentel;

- ilugan n tira ttwaḍefren.



2. yezḍa uḍris akken ilaq

- tuddsa n uḍris d tiseddarin;

- tuqqna gar tseddarin yessihil tigzi ;

- aḍris yura ɤer wudem amezwaru i yettmeslayen ;

- timeẓra n yimyagen ddant d tilawt ;

- asemres n yinammalen n wakud d wid n wadeg ferzen.



3. yedda d usentel i d-yettunefken

- aḍris d ullis yemmden;

- aḍris yebna ɤef tɤessa n wullis;

- aḍris yewwi-d ɤef tcermlit;

- aḍris yekfa s temsirt.






نسرين
( عضو جديد)
( عضو جديد)

انثى عدد الرسائل : 2
العمر : 26
تاريخ التسجيل : 05/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

تمارين في الفرنسية Empty رد: تمارين في الفرنسية

مُساهمة من طرف إيمان في 5/3/2008, 10:07

تمارين في الفرنسية 1a3a590

_________________
تمارين في الفرنسية 57134379
إيمان
إيمان
( مشرفة عامة )

انثى عدد الرسائل : 134
العمر : 25
البلد : الجزائر البيضاء
المهنة : الدراسة
تاريخ التسجيل : 01/10/2007

معاينة صفحة البيانات الشخصي للعضو http://www.ahliman.tk

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى